![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
வாரிசால் துணிவு வாய்ப்பை கைநழுவ விட்ட ஷாம்
ஜன 10, 2023
கடந்த 20 ஆண்டுளுக்கு முன்பு விஜய் நடித்த குஷி படத்தில் ஒரு சிறிய துணை நடிகர் கதாபாத்திரத்தில் நடித்தவர் தான் நடிகர் ஷாம். அதன்பிறகு கதாநாயகனாக மாறி தொடர்ந்து நல்ல கதையம்சம் கொண்ட படங்களை தேர்ந்தெடுத்து நடித்து வரும் ஷாம், மீண்டும் விஜய்யுடன் இணைந்து விரைவில் வெளியாக உள்ள வாரிசு திரைப்படத்தில் அவரது சகோதரராக முக்கிய கதாபாத்திரத்தில் நடித்துள்ளார். இந்த படத்திற்காக கிட்டத்தட்ட 60 நாட்களுக்கு மேல் கால்ஷீட் கொடுத்து நடித்துள்ளார் ஷாம். ஆனால் இந்த படத்தில் ஒப்பந்தமான அதே சமயத்தில் தான் அஜித்தின் துணிவு படத்தில் வில்லன் கதாபாத்திரத்தில் நடிப்பதற்காக இவரை அழைத்துள்ளார் இயக்குனர் வினோத்.ஒரே நேரத்தில் விஜய், அஜித் படங்களில் நடிக்க போகிறோம் என ஷாம் சந்தோஷப்பட்டாலும் சரியாக வாரிசு படத்திற்காக அவர் ஒதுக்கி இருந்த பெரும்பாலான தேதிகள் தான் துணிவு படத்திற்காகவும் ஷாமிடம் கேட்கப்பட்டது. அதனால் வேறு வழியின்றி துணிவு படத்திற்கு தன்னால் தேதிகள் ஒதுக்க முடியவில்லை என கூறி வருத்தத்துடன் ஒதுங்கிக் கொண்டார் ஷாம். அதேசமயம் தன்னை அந்த கதாபாத்திரத்திற்காக யோசித்து அழைத்ததற்காக இயக்குனர் வினோத்திற்கு தனது நன்றியையும் தெரிவித்துள்ளார் ஷாம்.
வாசகர்கள் கருத்துகள்
முதல் நபராக கருத்து தெரிவியுங்கள்!கருத்தை பதிவு செய்ய புதிய விண்டோவில் திறக்கும் தினமலர் பக்கத்தில் மட்டுமே பதிவு செய்யலாம்.