ரகசிய திருமணம் செய்ய திட்டமிட்டுள்ளேனா? : மறுக்கும் சம்யுக்தா

தனுஷ் உடன் நடித்த வாத்தி படத்திற்கு பிறகு தமிழில் ராகவா லாரன்ஸ் உடன் பென்ஸ் என்ற படத்தில் நடித்து வருகிறார் சம்யுக்தா. தவிர தெலுங்கில் விஜய் சேதுபதி நடித்துள்ள ஸ்லம் டாக் 33 டெம்பிள் ரோடு மற்றும் பிளாக் கோல்ட் என்ற படத்தில் கதையின் நாயகியாக நடித்து வருகிறார். சம்யுக்தா ஒரு இளைஞரை காதலிப்பதாகவும் கூடிய சீக்கிரமே அவரை ரகசியமாக திருமணம் செய்து கொள்ள திட்டமிட்டு இருப்பதாகவும் சோசியல் மீடியாவில் ஒரு செய்தி வைரலாகி வந்தது.

அதுபற்றி அவர் கூறுகையில், ‛‛இன்றைக்கு பெரும்பாலானோர் நடிகைகளை பற்றி அவதூறு பரப்புவதையே வேலையாக வைத்திருக்கிறார்கள். என்னை பொருத்தவரை தற்போது முழு நேரத்தையும் சினிமாவில் நடிப்பதற்காக தான் செலவிட்டு வருகிறேன். இப்போது வரை நான் யாரையும் காதலிக்கவுமில்லை. ரகசிய திருமணம் செய்து கொள்ள எந்த திட்டமும் போடவில்லை. அதனால் இது போன்று அவதூறு பரப்புவதை நிறுத்த வேண்டும்"" என்று தெளிவுப்படுத்தி உள்ளார் சம்யுக்தா.