அக்டோபர் 18ல் 5 படங்கள் ரிலீஸ்

2024ம் ஆண்டு இன்னும் இரண்டரை மாதங்களில், 11 வாரங்களில் முடிவடைய உள்ளது. அதற்குள்ளாக தங்களது படங்களை வெளியிட வேண்டும் என படத்தை முடித்துள்ள பல சிறிய தயாரிப்பாளர்கள் நினைப்பார்கள். இந்த ஆண்டின் முக்கிய பெரிய நடிகர்களின் படங்கள் வெளியாகிவிட்டது. அடுத்த மாதம் சூர்யாவின் "கங்குவா" படம் பான் இந்தியா படமாக வெளியாக உள்ளது. அதற்கடுத்து தமிழில் டாப் நடிகர்களின் படங்கள் பல தியேட்டர்களை ஆக்கிரமித்து வெளியாக வாய்ப்பில்லை. எனவே, அடுத்த சில வாரங்களுக்கு நிறைய சிறிய படங்களை எதிர்பார்க்கலாம்.

அது இந்த வாரத்திலேயே ஆரம்பமாகப் போகிறது. இந்த வார வெள்ளிக்கிழமை அக்டோபர் 18ம் தேதி “ஆலன், ஆர்யமாலா, கருப்பு பெட்டி, ராக்கெட் டிரைவர், சார்” ஆகிய படங்கள் வெளியாக உள்ளன. சிறிய படங்கள் என்று நாம் சொன்னாலும் அதில் சில படங்கள் தரமாக அமைந்து ரசிகர்களைக் கவர்ந்து நன்றாகவே வசூலிக்கின்றன. அப்படி எந்தப் படம் இந்த வாரம் வரவேற்பைப் பெறப் போகிறது என்பதற்கு நாம் இன்னும் சில நாட்கள் காத்திருக்க வேண்டும்.