திண்டிவனம் : திண்டிவனம் அருகே மினி லாரி மீது தனியார் பஸ் மோதியதில் ஒருவர் இறந்தார்.

இதில் மினி லாரி கவிழ்ந்து, அதில் பயணம் செய்த 7 பேரும் படுகாயமடைந்தனர். அனைவரும் உடனடியாக 108 ஆம்புலன்ஸ் மூலம் திண்டிவனம் அரசு மருத்துவமனையில் சேர்க்கப்பட்டனர். அங்கு சிகிச்சை பலனின்றி சதீஷ் இறந்தார். விபத்தில் சிக்கிய சக்திவேல் 20, ரத்தினவேல் 21, பெரியசாமி 17, செந்தில்குமார் 25, அர்பிதா 20, லதா 22 ஆகியோர் தொடர்ந்து சிகிச்சை பெற்று வருகின்றனர். பெங்களூரைச் சேர்ந்த நடன பெண் அர்பிதா, விபத்தில் இறந்த சதீஷ் இருவருக்கு விரைவில் திருமணம் நடத்த ஏற்பாடு செய்திருந்தனர். சதீஷ் உடலைப் பார்த்து அர்பிதா கதறி துடித்தார். விபத்து குறித்து திண்டிவனம் இன்ஸ்பெக்டர் சரவணன் வழக்குப் பதிந்து விசாரித்து வருகிறார்.