ப.வேலூர் அருகே நன்செய் இடையாறு கிராமத்தில் பிரசித்தி பெற்ற மாரியம்மன் கோவில் உள்ளது. அக்கோவில் உண்டியல், உதவி கமிஷனர் ஜோதி முன்னிலையில், நேற்று திறக்கப்பட்டது.உண்டியலில் செலுத்தப்பட்ட காணிக்கை தொகை, ஆபரணங்கள் கணக்கிடும் பணி மேற்கொள்ளப்பட்டது.அதில், 2 லட்சத்து 58 ஆயிரத்து 662 ரூபாய் ரொக்கம், 7 பவுன் தங்கமும், 55 கிராம் வெள்ளியும் பக்தர்கள் காணிக்கையாக செலுத்தியது கணக்கிடப்பட்டது.கடந்த நான்கு மாதங்களுக்கு முன், கோவில் உண்டியல் திறந்து கணக்கிடப்பட்டது. உண்டியல் எண்ணும் பணியின் போது, பஞ்சாயத்து தலைவர் செந்தில்குமார் ஆகிய பிரமுகர்கள் உடனிருந்தனர்.