மானாமதுரை அருகே கே.பெருங்காரையை சேர்ந்த நட்டுச்சாமி மனைவி காளிமுத்து (45). கடந்த சில தினங்களுக்கு முன் இவர் வளர்த்த ஆடுகள் சில காணாமல் போனது. ஆடுகளை, காளிமுத்துவின் தந்தை பொன்னுமுத்து (60) தேடினார். அதே ஊரை சேர்ந்த குப்புச்சாமி மகன் சுப்பிரமணி நடத்தும் ஆட்டு கிடைகளுக்குள் சென்றிருக்குமோ என்ற சந்தேகத்தில் தேடினார். இதில் ஆத்திரமுற்ற சுப்பிரமணி, நேற்று முன்தினம் மாலை 5 மணிக்கு, அவரது மகன்கள் கண்ணன், மலைச்சாமி, உறவினர்கள் சக்ரவர்த்தி, சிதம்பரம், பாப்பா, மகேஷ், ராஜேந்திரனுடன், பொன்னுமுத்து வீட்டிற்கு சென்று தகராறில் ஈடுபட்டனர். அவர்கள் தாக்கியதில், பொன்னுமுத்து, காளிமுத்து, உறவினர் செல்வகுமார் (28) காயமுற்றனர்.