விருதுநகர் : விருதுநகரில் பாதாளசாக்கடை மேன்ஹோல் மூடி நொறுங்கி மோசமான நிலையில் உள்ளது.

விருதுநகரில் ஆங்காங்கே பாதாளசாக்கடை மேன்ஹோல் மூடிகள் சேதம் அடைந்துள்ளன. சில இடங்களில் பள்ளம் ஏற்பட்டும், சில இடங்களில் அவற்றில் டயர்கள்,கட்டுமான கழிவுகள் போட்டு அடைத்தும் வைத்துள்ளனர். ஏ.ஏ.,ரோட்டில் உள்ள பாதாளசாக்கடை மேன்ஹோல் சேதம் அடைந்து தற்போது மோசமான நிலையில் உள்ளது.

இந்த வழியாக அதிகளவில் கனரக வாகனங்கள் மில்களுக்கு சென்று வருகின்றன. முன்பு இந்த ரோடு மிக மோசமான நிலையில் இருந்தது. தற்போது ரோடு போடப்பட்டதால் வாகன ஓட்டிகள் லேசாக பெருமூச்சு விட்டுள்ளனர். இந்நிலையில் மேன்ஹோல் மூடி விபத்து அபாயத்தை ஏற்படுத்தி வருகிறது.

இதனால் மக்கள் கடும் சிரமத்துடன் அப்பகுதியை கடக்க வேண்டி உள்ளது. இரவு நேரங்களில் தவறி விழுந்து விபத்தை சந்திப்போரும் அதிகம் உள்ளனர். எனவே பாதாளசாக்கடை மூடியை சரி செய்ய வேண்டும்.