ஆய்வு நடத்த வேண்டும்

பொதுமக்கள் நலன் சார்ந்து, பல்வேறு அரசுத்துறை அதிகாரிகளிடம் நாங்கள் முன்வைக்கும் கோரிக்கை பெரும்பாலும் ஏற்கப்படுகிறது. அந்த வகையில், திருப்பூர் - அவிநாசி ரோட்டில், பூண்டி டைடட் நியோ பகுதியில், பயணிகளை ஏற்றி இறக்கி செல்ல பஸ் ஸ்டாப் அனுமதிக்கப்பட்டிருக்கிறது. அங்குள்ள அரசின் அடுக்குமாடி குடியிருப்புவாசிகள் உள்ளிட்ட சுற்றுப்புறங்களில் உள்ள மக்கள் பயன் பெறுகின்றனர். ஆனால், பஸ் ஓட்டுனர்கள் இங்கு பஸ்களை நிறுத்துவதில்லை என பயணிகள் புகார் கூறினர்.
சங்கத்தின் ஆலோசகர் பத்மநாபன், உண்மை நிலையை அறிய தனியார் பஸ்சில் பயணித்தார். குறிப்பிட்ட பஸ் ஸ்டாப்பில் நிறுத்த கூறியும், நடத்துனர் நிறுத்தவில்லை. 'அங்கு பஸ் நிறுத்தினால் 'டைமிங்' போதாது' என்று கூறியுள்ளார். இது, மோட்டார் வாகன சட்டப்படி விதிமீறல். இதில், வட்டார போக்குவரத்து அலுவலர் உரிய நடவடிக்கை எடுக்க வேண்டும். எனவே, பஸ்களின் பயண நேரத்தை ஆய்வுக்கு உட்படுத்தி, பயணிகளின் சிரமம் களைய நடவடிக்கை எடுக்க வேண்டும். -- காதர்பாஷா கன்ஸ்யூமர் கேர் அசோசியேஷன் தலைவர்