நடவடிக்கை பூஜ்யம்!

திருப்பூர் - அவிநாசி சாலையில் அனுப்பர்பாளையம், தண்ணீர்பந்தல் உள்ளிட்ட இடங்களில், சாலையில் மழைநீர் குளம் போல் தேங்கி நிற்பது வழக்கம். 'கடைக்காரர்களின் ஆக்கிரமிப்பால், கால்வாய் அடைபட்டு இருப்பது தான், மழைநீர் ரோட்டில் பெருக்கெடுக்க காரணம். இதனை உள்ளாட்சி நிர்வாகத்தினர் தான் ஆய்வு செய்து, சரி செய்ய வேண்டும்' என, தேசிய நெடுஞ்சாலைத்துறை அதிகாரிகள் கூறியிருந்தனர்.ஆனால், நடவடிக்கை எதுவும் எடுக்கப்படவில்லை. மழைக்கால பாதிப்பு ஏற்படுவதற்கான காரணம், அதற்கான தீர்வு என்ன என்பது தெரிந்தும், சம்மந்தப்பட்ட துறையினர் எவ்வித நடவடிக்கையும் எடுக்காததால் தான், மழையின் போது மீண்டும், மீண்டும் ஒரே இடத்தில் பாதிப்புகள் தொடர்கின்றன.