கும்மிடிப்பூண்டி:கவரைப்பேட்டை - சத்தியவேடு சாலையில் உள்ள குருத்தானமேடு கிராமத்தில், எம்.ஆர்.பி., என்ற பெயரில் வாகன உதிரிபாகம் தயாரிக்கும் தனியார் தொழிற்சாலை இயங்கி வருகிறது.

நேற்று மாலை தொழிற்சாலையின் பெயின்டிங் பிரிவில் தீ விபத்து ஏற்பட்டது. கும்மிடிப்பூண்டி தீயணைப்பு படையினர், ஒரு மணி நேரம் போராடி தீயை அணைத்தனர். இந்த விபத்தில், யாருக்கும் காயம் ஏற்படவில்லை. கவரைப்பேட்டை போலீசார் விசாரிக்கின்றனர்.