சிவகங்கை : காரைக்குடி அரசு ஐ.டி.ஐ.,யில் மாணவர் சேர்க்கைக்கு இணைய தளம் மூலம் விண்ணப்பிக்கலாம் என கலெக்டர் ஆஷா அஜித் தெரிவித்தார்.

அவர் கூறியதாவது: இங்கு பொருத்துநர், கடைசலர், இயந்திர வேலையாள்,கம்பியாள் போன்று 2 ஆண்டு படிப்பிற்கும், பற்ற வைப்பவர் (வெல்டர்), கம்ப்யூட்டர் ஆப்பரேட்டர் போன்று ஓராண்டு படிப்பிற்கும், சி.என்.சி., மெஷினிங் டெக்னீசியன், வடிவமைப்பாளர், மெய்நிகர் சரிபார்ப்பாளர், மெக்கானிக் எலக்ட்ரிக் வாகனம் போன்ற இரண்டு ஆண்டு படிப்பு, ரோபோட்டிக்ஸ், டிஜிட்டல் உற்பத்தி வல்லுநர் ஓராண்டு படிப்பிற்கு விண்ணப்பிக்கலாம். இதில், வயர்மேன், வெல்டர் பிரிவை தவிர்த்து மற்ற தொழில் பிரிவில் மாணவர் சேர எஸ்.எஸ்.எல்.சி., தேர்ச்சி அவசியம்.

கம்பியாள், பற்றவைப்பவர் பிரிவுக்கு எட்டாம் வகுப்பு தேர்ச்சி அவசியம். மாணவர்கள் www.skilltraining.tn.gov.in என்ற இணைய தள முகவரியில் விண்ணப்பிக்க வேண்டும். நேரடி மாணவர் சேர்க்கைக்கு அலைபேசி எண், மின்னஞ்சல் முகவரி, மதிப்பெண், ஜாதி, மாற்று, முன்னுரிமை சான்று, போட்டோவுடன் செல்ல வேண்டும். விண்ணப்ப கட்டணம் ரூ.50. பயிற்சியின் போது உதவித்தொகை ரூ.1,750, இலவச புத்தகம், சீருடை, காலணி, பஸ் பாஸ், சைக்கிள் வழங்கப்படும். மேலும் விபரத்திற்கு 94990 55784 ல் தொடர்பு கொள்ளலாம், என்றார்.