சிவகங்கை, : காரைக்குடியில் 10 தேர்வு மையங்களில் டி.என்.பி.எஸ்.சி., குரூப் 1 தேர்வினை 1766 பேர் எழுதினர். டி.என்.பி.எஸ்.சி., சார்பில் துணை கலெக்டர், டி.எஸ்.பி., உதவி கமிஷனர், கூட்டுறவு துணை பதிவாளர், உதவி இயக்குனர் ஊரக வளர்ச்சி துறை, மாவட்ட வேலைவாய்ப்பு அலுவலர் ஆகிய பணியிடங்களுக்கான குரூப் 1 முதன்மை கொள்குறி வகை தேர்வு நேற்று காலை 9:30 மணி முதல் மதியம் 12:30 மணி வரை நடந்தது.

சிவகங்கை மாவட்டத்தில் 2703 பேர் விண்ணப்பித்தனர். இவர்களுக்கான தேர்வு நேற்று காரைக்குடியில் உள்ள அழகப்பா கல்வி நிறுவன வளாகங்களில் உள்ள 10க்கும் மேற்பட்ட மையங்களில் நடந்தது. இதில் 1766 பேர் தேர்வு எழுதினர். 937 பேர் ஆப்சென்ட்.