மேட்டூர்: ஏர்கன் மூலம் குருவிகளை சுட்ட, இருவரை வனத்துறையினர் கைது செய்தனர்.மேட்டூர், மாதையன்குட்டையை சேர்ந்த கூலி தொழிலாளி தாமோதரன், 26. அதே பகுதியை சேர்ந்த மற்றொரு தொழிலாளி பொன்னரசன், 26. இருவரும் உறவினர்கள். இவர்கள் நேற்று முன்தினம் மாலை, 5:00 மணிக்கு காவேரிகிராஸ் கால்வாய் அருகே ஏர்கன் மூலம் குருவிகளை சுட்டுள்ளனர். மேட்டூர் வனவர் சிவகுமார், வனகாப்பாளர் விமல்ராஜ் இருவரும் சம்பவ இடத்துக்கு சென்றனர். அங்கு இருவரையும் கைது செய்து, அவர்-களிடம் இருந்த ஏர்கன், பால்ரஸ் குண்டுகளை பறிமுதல் செய்-தனர். நேற்று இருவரையும் மேட்டூர் குற்றவியல் நடுவர் நீதிமன்றம்-1ல் ஆஜர்படுத்தினர். அவர்களை, 12 நாட்கள் சிறையில் அடைக்க மாஜிஸ்திரேட் பத்மப்ரியா உத்தரவு பிறப்பித்தார்.