சேலம் : இந்திய பல் மருத்துவ சங்கத்தின் தமிழ்நாடு இந்-திய மெடிக்கல் அசோசியேஷன் சார்பில், சேலம், 5 ரோட்டில், மாநில அளவில் பல் மருத்துவ கண்-காட்சி நேற்று தொடங்கியது. அசோசியேஷன் தலைவர் சுரேந்தர் தலைமை வகித்தார். அதில் கலெக்டர் பிருந்தாதேவி, ரிப்பன் வெட்டி குத்துவிளக்கு ஏற்றி கண்காட்-சியை தொடங்கி வைத்தார். தொடர்ந்து பல் மருத்துவ உபகரண அரங்குகளை பார்வை-யிட்டார்.

இதுகுறித்து சுரேந்தர் கூறியதாவது:பல் மருத்துவ கண்காட்சி, 2ம் ஆண்டாக சேலத்தில் நடக்கிறது. 125 நிறுவனங்கள் சார்பில் உபகரணங்கள் இடம்பெற்றுள்ளன. சலுகை விலையில் விற்கப்படுகின்றன. பல் சிகிச்சைக்கு நடமாடும் வாகனம் அமைக்கப்பட்டுள்ளது.மக்கள், இலவச சிகிச்சை பெற்றுக்கொள்ளலாம். குறிப்பாக பல் சொத்தை அடைப்பது, துாய்மைப்-படுத்துவது உள்ளிட்ட சிகிச்சைகளை பெறலாம்.இவ்வாறு அவர் கூறினார்.செயலர் செந்தாமரைகண்ணன், பொருளாளர் ராஜ்குமார், முன்னாள் தலைவர் ராஜசிகாமணி உள்ளிட்ட மருத்துவர்கள் பங்கேற்றனர். இன்றும் கண்காட்சி நடக்கிறது.