நாமக்கல்: வளையப்பட்டி பகுதியில், 'சிப்காட்' தொழிற்பேட்டை அமைக்கும் திட்டத்தை கைவிடக்கோரி, நாமக்கல் கலெக்டர் அலுவலகம் முன் கண்டன ஆர்ப்பாட்டம் நடந்தது.மோகனுார் தாலுகா, வளையப்பட்டி, என்.புதுப்பட்டி, அரூர் பகுதிகளில், 'சிப்காட்' தொழிற்பேட்டை அமைக்க நிலம் எடுப்ப-தற்கு வருவாய் துறையினர் ஆய்வு பணி மேற்கொண்டுள்ளனர்.

இதற்கு எதிர்ப்பு தெரிவித்து, சிப்காட் எதிர்ப்பு இயக்கத்தினர் பல்-வேறு போராட்டங்களை நடத்தி வருகின்றனர். அதன் தொடர்ச்சி-யாக, நேற்று நாமக்கல் கலெக்டர் அலுவலகத்தில் கண்டன ஆர்ப்-பாட்டத்தில் ஈடுபட்டனர். அப்போது, விவசாய முன்னேற்ற கழக பொதுச்செயலாளர் பாலசுப்ரமணியம் கூறியதாவது:கடந்த, 2023 மே, 29ல், ஆர்.டி.ஓ., அலுவலகத்தில், கலெக்டர் தலைமையில் நடந்த கூட்டத்தில், வருவாய் துறையினர் தயார் செய்யப்பட்ட வரைபடங்களையும், அறிக்கைகளையும் காண்பித்-தனர். அதில், நீர்நிலைகள் மறைக்கப்பட்டு, விவசாய நிலங்களை தரிசு நிலங்கள் என குறிப்பிட்டிருந்தனர். அதற்கு விவசாயிகள் எதிர்ப்பு தெரிவித்ததால், புதிதாக வரைபடம் தயாரிக்கப்பட்டு, அரசுக்கு அறிக்கை அனுப்பி வைக்கப்படும் என்றனர். ஆனால், ஓராண்டு முடிந்தும், இதுவரை எந்த நடவடிக்கையும் எடுக்க-வில்லை. அதனால், தொடர்ந்து போராட்டத்தில் ஈடுபட்டு வரு-கிறோம்.இவ்வாறு அவர் கூறினார். சிப்காட் எதிர்ப்பு இயக்க ஒருங்கிணைப்பாளர்கள் ராம்குமார், பழனிவேல் உள்பட பலர் பங்கேற்றனர்.