ஓசூர்: ஓசூர், முனீஸ்வர் நகர் ரிங்ரோடு பகுதியிலுள்ள விஜய விநாயகர் சத்சங்கத்தில், 11ம் ஆண்டு லட்சார்ச்சனை விழா கடந்த, 13ம் தேதி துவங்கியது. அதிகாலை, 5:00 மணிக்கு மகா கணபதி, லட்-சுமி, சரஸ்வதி ஹோமம், 8:00 மணிக்கு விஜய விநாயகருக்கு அருகம்புல் ஏக தின லட்சார்ச்சனை, மாலையில் விஜய விநாயகர் உற்சவ மூர்த்தி திருவீதி உலா, சத்சங்க உறுப்பினர்களின் சிறப்பு பஜனை நடந்தது.

நேற்று முன்தினம் காலை, 6:00 மணிக்கு சிறப்பு அபிஷேக, ஆரா-தனை, மாலை, 5:00 மணிக்கு விஜய விநாயகருக்கு சங்கடஹர சதுர்த்தி அபிஷேகம், நேற்று காலை, 9:30 மணிக்கு ஓசூர் சிவன-டியார்கள் திருக்கூட்டம் மூலம், திருவாசகம் முற்றோதுதல், மாலை, 6:00 மணிக்கு, 'மேன்மை கொள் சைவ நீதி' என்ற தலைப்பில், திருவாடுதுறை ஆதீன சைவ சித்தாந்த பேராசிரியர் மோகன்ராஜ், ஆன்மிக சொற்பொழிவாற்றினார். ஏற்பாடுகளை, விஜய விநாயகர் சத்சங்க நிர்வாகிகள் செய்திருந்தனர்.