கிருஷ்ணகிரி: கிருஷ்ணகிரி, பழையபேட்டை கவீஸ்வரன் கோவிலில், நேற்று மாணிக்க வாசகருக்கு குரு பூஜை விழா நடந்தது.

இதையொட்டி காலை, 7:00 மணிக்கு, மாணிக்க வாசகருக்கு வேள்வி வழிபாடு, அபிஷேக, ஆராதனை நடந்தது. பின்னர் தேரில், சிவகாமி தாயா-ருடன் நடராஜர் மற்றும் மாணிக்கவாசகருடன் சிவனடியார்கள் ஊர்வலமாக சென்றனர். இந்த ஊர்வலம், காந்தி சாலை வழியாக ரவுண்டானா சென்று, பின்னர் மீண்டும் கோவிலை வந்தடைந்-தது. வழியில் ஏராளமான பக்தர்கள் சுவாமி தரிசனம் செய்தனர். கோவில் வளாகத்தில் திருவாசகம், தேவாரம் படித்து வேண்டிக் கொண்டனர். சைவ நன்னெறி மாணிக்கவாசகர் திருக்கூட்ட ஒருங்-கிணைப்பாளர் சிவசங்கரன், இதற்கான ஏற்பாடுகளை செய்தி-ருந்தார். ஏராளமான பக்தர்கள் கலந்து கொண்டனர்.