ஓசூர்: ஓசூர் மாநகராட்சி பொது சுகாதார குழு ஆயத்த கூட்டம் முதல்-முறையாக நேற்று நடந்தது. பொது சுகாதார குழு தலைவர் மாதேஸ்வரன் தலைமை வகித்தார். மாநகர நல அலுவலர் பிரபா-கரன் முன்னிலை வகித்தார். இதில், ஓசூர் அரசு மருத்துவமனை மற்றும் 5 நகர்புற ஆரம்ப சுகாதார நிலைய டாக்டர்கள், செவிலி-யர்கள், சுத்திகரிப்பு குடிநீர் இயந்திரம், பேவர் பிளாக் சாலை அமைத்து தர வேண்டும். ஓசூர் அரசு மருத்துவமனை முன் சாலையோர ஆக்கிரமிப்பு கடைகளை அகற்ற கோரிக்கைகள் வைத்தனர்.

அதை நிறைவேற்றி தருவதாக தெரிவித்த, பொது சுகாதார குழு தலைவர் மாதேஸ்வரன் பேசியதாவது:

ஓசூர் பஸ் ஸ்டாண்டிலுள்ள தாய்மார்கள் பாலுாட்டும் அறையை உடனடியாக சுத்தம் செய்ய வேண்டும். தியேட்டர்கள், தனியார் மருத்துவமனைகளில் தாய்மார்கள் குழந்தைகளுக்கு தாய்ப்பால் கொடுக்க சிரமப்படுவதால் அங்கு, பாலுாட்டும் அறை அமைக்க வேண்டும். துாய்மை திட்டத்தில் வீடு, கடைக-ளுக்கு குப்பை சுத்தம் செய்யும் வரி போடப்படுகிறது. அதை, 6 ஆண்டுகள் முன் தேதியிட்டு கட்ட, மாநகராட்சி கூறுவதால் பொதுமக்கள் மற்றும் கடை உரிமையாளர்கள் பாதிக்கப்படுகின்-றனர். அதை எளிமை படுத்த வேண்டும். ஓசூரில் டெங்கு பர-வாமல் தடுக்க, டெங்கு கொசு புழுக்களை ஒழித்து, வாரம் இரு-முறை கொசு மருந்து அடிக்க வேண்டும். திருமண மண்டபங்கள், தியேட்டர்களில் கழிவறைகளை சரியான முறையில் பராமரிக்க, தனியார் மருத்துவமனைகளில் நோயாளிகள் எண்ணிக்கைக்கேற்ப கழிவறைகள் உள்ளதை ஆய்வு செய்ய வேண்டும். ஓசூர் மாநக-ராட்சியிலுள்ள, 20,000 தெரு நாய்களில், 606 நாய்களுக்கு கருத்-தடை செய்யப்பட்டுள்ளது.

இவ்வாறு, அவர் பேசினார்.

கூட்டத்தில் கவுன்சிலர்கள் மோசின் தாஜ், ஆறுமுகம், லட்சுமி, சில்பா மற்றும் மாநகராட்சி ஊழியர்கள் பங்கேற்றனர்.