கிருஷ்ணகிரி: கிருஷ்ணகிரி அருகே, 10 ஆண்டுகளுக்கு பின் நடந்த கன்னி-யம்மன் கோவில் திருவிழாவில், 100க்கும் மேற்பட்ட ஆடுகளை பலியிட்டு, பக்தர்கள் நேர்த்திக்கடன் செலுத்தினர்.

கிருஷ்ணகிரி அடுத்த கே.பூசாரிப்பட்டி அங்காளம்மன் கோவில் அருகில், கன்னியம்மன் கோவில் உள்ளது. இக்கோவிலில், 5 ஆண்டுகளுக்கு ஒரு முறை திருவிழா நடத்துவது வழக்கம். இந்நி-லையில், கொரோனா தொற்றால் கடந்த முறை திருவிழா கொண்-டாடப்படாத நிலையில், 10 ஆண்டுகளுக்கு பிறகு, நேற்று திரு-விழா நடந்தது. இதில், 100க்கும் மேற்பட்ட ஆடுகளை பலி-யிட்டும், தீ மிதித்தும், பக்தர்கள் தங்கள் நேர்த்திக்கடனை செலுத்-தினர்.

இது குறித்து, ஊர் பொதுமக்கள் கூறியதாவது:

கன்னியம்மன் திருவிழா, பங்காளிகள், உறவின் முறைகள், பொது-மக்கள் இணைந்து நடத்தும் திருவிழா. திருவிழாவை நடத்து-வதன் மூலம் பருவமழை பெய்து, விவசாயம் செழிக்கவும், ஊர்-மக்கள், உறவினர்கள் நோய் நொடிகளின்றி நீண்ட ஆயுளோடு வாழவும், திருவிழாவை கொண்டாடுகிறோம். கொரோனா தொற்றால் கடந்த முறை திருவிழா நடத்த முடியவில்லை. தற்-போது இத்திருவிழாவில், எங்கள் அண்ணன், தம்பிகள், பங்காளி உறவுகள் என, பல்வேறு பகுதிகளில் இருந்து வந்து கலந்து கொண்டுள்ளோம்.

இவ்வாறு, அவர்கள் கூறினர்.