குளித்தலை: குடிநீர் பிரச்னையை சரி செய்ய கோரி, கிராம மக்கள் மறியல் போராட்டம் நடத்தினர்.குளித்தலை அடுத்த கே.பேட்டை பஞ்., திம்மாச்சிபுரம் இரண்-டாவது வார்டு பகுதியில், 250க்கும் மேற்பட்ட குடும்பத்தினர் வசித்து வருகின்றனர்.

கடந்த ஒரு மாத காலமாக, இப்பகுதியில் குடிநீர் சரிவர வழங்கப்படவில்லை. இது குறித்து ஊராட்சி மன்ற தலைவரிடம் தெரிவித்தபோதும், மின் மோட்டார் பழுது ஏற்பட்-டுள்ளதாகவும், கூடிய விரைவில் சரி செய்து தருவதாகவும் கூறி வந்துள்ளார். மேலும் கேப்பேட்டை ஊராட்சி, இரண்டாவது வார்டு பகு-தியில் கழிவுநீர் வடிகால் வசதி, மயான பாதைக்கு மின்விளக்கு வசதி, குடிநீர் வசதி உள்ளிட்ட அடிப்படை வசதிகளை செய்து தராமல் இருந்து வந்ததால், நேற்று காலை 8:00 மணியளவில் திருச்சி-கரூர் தேசிய நெடுஞ்சாலையில் அமர்ந்து காலி குடங்க-ளுடன் பொதுமக்கள் சாலை மறியல் போராட்டத்தில் ஈடுபட்-டனர்.லாலாபேட்டை போலீசார் மற்றும் ஊராட்சி மன்ற தலைவர் விரைந்து வந்து, மறியல் போராட்டத்தில் ஈடுபட்டவர்களிடம் பேச்சுவார்த்தையில் ஈடுபட்டனர். அப்போது, 'இன்று மதியத்-திற்குள் பழுது பிரச்னைகளை சரி செய்து, குடிநீர் வழங்க ஏற்பாடு செய்வதாக உறுதி அளித்தனர். இதையடுத்து, மறியல் போராட்-டத்தை கைவிட்டு கலைந்து சென்றனர். இதனால் திருச்சி-கரூர் தேசிய நெடுஞ்சாலையில், அரை மணி நேரமாக போக்குவரத்து பாதிப்பு ஏற்பட்டு சாலையின் இருபுறங்க-ளிலும் வாகனங்கள் அணிவகுத்து நின்றன.