பரங்கிப்பேட்டை : பரங்கிப்பேட்டை அடுத்த சாமியார்பேட்டை கிராமத்தில் ரூ. 6 லட்சம் மதிப்பில் காத்திருப்பு கூடம் மற்றும் சி.புதுப்பேட்டை கிராமத்தில் ரூ. 6 லட்சத்து, 85 ஆயிரம் மதிப்பில் சிமென்ட் சாலை அமைக்க பூமி பூஜை நடந்தது.

நிகழ்ச்சிக்கு பரங்கிப்பேட்டை மேற்கு ஒன்றிய அ.தி.மு.க., செயலாளர் ரெங்கசாமி தலைமை தாங்கினார்.

முன்னாள் அமைச்சர் செல்வி ராமஜெயம், மாவட்ட இணை செயலாளர் ரெங்கம்மாள் முன்னிலை வகித்தனர். சாலைப் பணியை பாண்டியன் எம்.எல்.ஏ., பூமி பூஜை செய்து துவக்கி வைத்தார். விழாவில், முன்னாள் ஒன்றிய கவுன்சிலர்கள் ஆனந்தஜோதி சுதாகர், பாஸ்கர், பரங்கிப்பேட்டை நகர இளைஞரணி செயலாளர் ஜெய்சங்கர், முன்னாள் ஊராட்சி தலைவர்கள் சேகர், மகேஷ், கிராம தலைவர் குமார், துணை தலைவர் தண்டபாணி, செயலாளர் சசிகுமார் உட்பட பலர் பங்கேற்றனர்.