கடலுார் : கடலுாரில் மாவட்ட அளவிலான கிரிக்கெட் போட்டியில் காஸ்மோ பாலிடன் அணி முதலிடம் பிடித்தது.

கடலுார் மாவட்ட கிரிக்கெட் சங்கம் சார்பில், மாவட்ட அளவிலான கிரிக்கெட் போட்டி அண்ணா விளையாட்டரங்கில் நடந்தது. கடலுார், பண்ருட்டி, சிதம்பரம் உட்பட பல்வேறு பகுதிகளைச் சேர்ந்த 16 அணிகள் பங்கேற்றது.

போட்டியில் கடலுார் காஸ்மோ பாலிடன் கிரிக்கெட் கிளப் அணி முதலிடமும், ஆனைக்குப்பம் கிரிக்கெட் கிளப் அணி இரண்டாமிடமும் பிடித்தது. பரிசளிப்பு விழாவில், மாவட்ட கிரிக்கெட் சங்கத் தலைவர் வெங்கடேஷ் தலைமை தாங்கி, வெற்றி பெற்ற அணிகளுக்கு பரிசு வழங்கினார். விழாவில் பயிற்சியாளர் பாபு, கலை, மதியழகன், சிவக்குமார் பங்கேற்றனர். ஏற்பாடுகளை மாவட்ட கிரிக்கெட் சங்க செயலாளர் கூத்தரசன் செய்திருந்தார்.