ஆனைமலை;ஆனைமலை ஒழுங்குமுறை விற்பனை கூடத்தில் கொப்பரை ஏலம் நேற்று நடைபெற்றது.

ஆனைமலை ஒழுங்குமுறை விற்பனை கூடத்தில், வாரந்தோறும் செவ்வாய் கிழமையில் கொப்பரை ஏலம் நடக்கிறது. நேற்று கண்காணிப்பாளர் செந்தில்முருகன் தலைமையில் ஏலம் நடந்தது.

முதல் தர கொப்பரை, 210 மூட்டைகள் ஏலம் விடப்பட்டதில் கிலோவுக்கு, 87.25 முதல், 93.69 ரூபாய் வரை விலை கிடைத்தது.இரண்டாம் தர கொப்பரை, 411 மூட்டைகள் ஏலம் விடப்பட்டதில் கிலோவுக்கு, 40.69 முதல், 81.11 ரூபாய் வரை விலை கிடைத்தது.

மொத்தம், 621 கொப்பரை மூட்டைகளை, 82 விவசாயிகள் கொண்டு வந்தனர்; ஏழு வியாபாரிகள் ஏலத்தில் பங்கேற்றனர்.இந்த வாரம், 21.42 லட்சம் ரூபாய் மதிப்பிலான மொத்தம், 279.20 குவிண்டால் கொப்பரை ஏலத்துக்கு கொண்டு வரப்பட்டன.