ஆனைமலை; ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில் முருகன் தலைமையில் கொப்பரை ஏலம் நடந்தது. முதல் தர கொப்பரை, 222 மூட்டைகள் ஏலம் விடப்பட்டதில், கிலோவுக்கு, 145 முதல், 155.69 ரூபாய் வரை விலை கிடைத்தது.

இரண்டாம் தர கொப்பரை, 263 மூட்டைகள் ஏலம் விடப்பட்டதில் கிலோவுக்கு, 116 முதல், 133.50 ரூபாய் வரை விலை கிடைத்தது. மொத்தம், 485 கொப்பரை மூட்டைகளை, 87 விவசாயிகள் கொண்டு வந்தனர்; எட்டு வியாபாரிகள் ஏலத்தில் பங்கேற்றனர். இந்த வாரம், 31.65 லட்சம் ரூபாய் மதிப்பிலான மொத்தம், 218.25 குவிண்டால் கொப்பரை ஏலத்துக்கு கொண்டு வரப்பட்டன. அதேபோன்று, ஐந்து பாக்கு மூட்டைகள் ஏலத்துக்கு கொண்டு வரப்பட்டன. ஒரு கிலோ பாக்கு (கொட்டை), 321 ரூபாய்க்கும், காய்ந்த பாக்கு, 145 ரூபாய்க்கும், பாக்கு பழம், 65.36 ரூபாய்க்கும் விற்றது.