கோவை, : சென்னை சென்ட்ரல் ரயில்வே ஸ்டேஷனில், 5வது பிளாட்பார்மில் பராமரிப்பு பணி நடைபெறுகிறது. இதன் காரணமாக, கோவையில் இருந்து சென்னைக்கு இயக்கப்படும் கோவை எக்ஸ்பிரஸ் (எண்: 12676) வரும், 26ம் தேதி வரை, பகல், 3:15 மணிக்கு இயக்கப்படும். இந்த ரயில், அரக்கோணம் சந்திப்புக்கு அருகே பெரம்பூர் ரயில்வே ஸ்டேஷனில் நிறுத்தப்படும். பெரம்பூரில் இருந்து சென்னை சென்ட்ரலுக்கு இயக்கப்படாது.

கோவையில் இருந்து சென்னை சென்ட்ரலுக்கு இயக்கப்படும், வாராந்திர ரயில் (எண்: 12682), 21ம் தேதி இரவு, 11:30க்கு கோவையில் இருந்து புறப்படும். மறுநாள் (22ம் தேதி) சென்னை பீச் ரயில்வே ஸ்டேஷனை சென்றடையும் என, தெற்கு ரயில்வே அதிகாரிகள் தெரிவித்துள்ளனர்.