சென்னை, பூந்தமல்லி, மதுரவாயல், அம்பத்துார், ஆவடி பத்திரிகை சங்கம் இணைந்து, 'டாப்ட்' கிரிக்கெட் எனும் பத்திரிகை சங்கத்திற்கு இடையேயான, கிரிக்கெட் போட்டியை கொளப்பாக்கத்தில், கடந்த 6ம் தேதி நடத்தியது. ஆறு ஓவர்களி அடிப்படையில் நடத்தப்பட்ட இப்போட்டியின் முதல் ஆட்டத்தில், மதுரவாயல்- - அம்பத்துார் பிரஸ் கிளப் அணிகள் மோதின.

இதில், அம்பத்துார் அணி வென்றது. தொடர்ந்து இரண்டாவது போட்டியில் ஆவடி- - பூந்தமல்லி பிரஸ் கிளப் அணிகள் மோதின. இதில் பூந்தமல்லி அணி வெற்றி பெற்றது.

இறுதி ஆட்டத்தில், அம்பத்துார் - பூந்தமல்லி பிரஸ் கிளப் அணிகள் மோதின. 'டாஸ்' வென்று முதலில் பேட் செய்த பூந்தமல்லி பிரஸ் கிளப் அணி, 2 விக்கெட் இழப்பிற்கு 71 ரன்கள் குவித்தது.

அடுத்து களம் இறங்கிய அம்பத்துார் அணியை 69 ரன்களில் வீழ்த்தி, 3 ரன்கள் வித்தியாசத்தில் பூந்தமல்லி பிரஸ் கிளப் அணி த்ரில் வெற்றி பெற்று, சாம்பியன் கோப்பையை கைப்பற்றியது.