சென்னை:சென்னை ரயில் கோட்டத்தில், பல்வேறு இடங்களில் ரயில் பாதை மேம்பாட்டு பணிகள் நடந்து வருகின்றன. இதனால், சில ரயில்களின் சேவையில் மாற்றம் செய்யப்பட்டுள்ளது.

அதன்படி, சென்னை சென்ட்ரல் - புதுடில்லி இடையே இயக்கப்பட்ட கிராண்ட் டிரங்க் எக்ஸ்பிரஸ் எனும் ஜி.டி.., விரைவு ரயில், மே 9 முதல் தாம்பரத்தில் இருந்து இயக்கப்பட்டு வருகிறது. மூன்று மாதங்களுக்கு இவ்வாறு இயக்கப்படும் என தெரிவிக்கப்பட்டது.

இந்நிலையில், தாம்பரம் ரயில் நிலையத்தில் விரிவாக்க பணி நடந்து வருவதால், வரும் 23ம் தேதி முதல் ஜி.டி., விரைவு ரயில், சென்ட்ரல் ரயில் நிலையத்தில் இருந்து இயக்கப்பட உள்ளது. இதற்கான, அறிவிப்பை தெற்கு ரயில்வே வெளியிட உள்ளது.

'இது தற்காலிக மாற்றம் தான், விரைவில் தாம்பரத்தில் இருந்து ஜி.டி., ரயில் இயக்கப்படும்' என, ரயில்வே அதிகாரிகள் தெரிவித்துள்ளனர்.