சென்னை, காஞ்சிபுரம் மாவட்டம், பாலுசெட்டி சத்திரம் நோக்கி செல்லும் பகுதியில், கஞ்சா விற்க முயன்ற, ராணிப்பேட்டை மாவட்டத்தை சேர்ந்த செல்வகுமார், 23, என்பவரை, அம்மாவட்ட போதைப்பொருள் கடத்தல் தடுப்பு நுண்ணறிவு பிரிவு போலீசார், 2020 ஜன., 11ல் கைது செய்தனர்.

அவரிடம் இருந்து 2 கிலோ கஞ்சா பறிமுதல் செய்யப்பட்டன. வழக்கு விசாரணை போதைப்பொருள் தடுப்பு வழக்குகளுக்கான சிறப்பு நீதிமன்ற முதன்மை நீதிபதி சி.திருமகள் முன் விசாரணைக்கு வந்தது.

வழக்கை விசாரித்த நீதிபதி, 'செல்வகுமார் மீதான குற்றச்சாட்டுகள் அரசு தரப்பால் நிரூபிக்கப்பட்டு உள்ளன. எனவே, 5 ஆண்டு சிறை தண்டனையும், 50,000 ரூபாய் அபராதமும் விதித்து' தீர்ப்பளித்தார்.