மந்தனா அபாரம்

'டாஸ்' வென்று முதலில் 'பேட்' செய்த இந்திய அணிக்கு ஷபாலி வர்மா (7) ஏமாற்றினார். ஹேமலதா (12), கேப்டன் ஹர்மன்பிரீத் கவுர் (10), ஜெமிமா ரோட்ரிக்ஸ் (17), ரிச்சா கோஷ் (3) சோபிக்கவில்லை. தீப்தி சர்மா (37) ஓரளவு கைகொடுத்தார். மசாபதா கிளாஸ் பந்தை சிக்சருக்கு அனுப்பிய ஸ்மிருதி மந்தனா, 116 பந்தில் சதம் விளாசினார். தனிநபராக அசத்திய இவர், 117 ரன் (ஒரு சிக்சர், 12 பவுண்டரி) எடுத்தார்.

ஆஷா அசத்தல்

சவாலான இலக்கை விரட்டிய தென் ஆப்ரிக்க அணிக்கு கேப்டன் லாரா வோல்வார்ட் (4), அன்னேக் போஷ் (5) ஏமாற்றினர். சுனே லுாஸ் (33), மரிசன்னே காப் (24) ஆறுதல் தந்தனர். மற்றவர்கள் ஏமாற்ற தென் ஆப்ரிக்க அணி 37.4 ஓவரில் 122 ரன்னுக்கு சுருண்டு தோல்வியடைந்தது. இந்தியா சார்பில் ஆஷா சோபனா 4, தீப்தி சர்மா 2 விக்கெட் சாய்த்தனர்.

7000 ரன்

200 போட்டி

இந்தியாவின் தீப்தி சர்மா, தனது 200வது சர்வதேச போட்டியில் பங்கேற்றார். இதுவரை 4 டெஸ்ட் (317 ரன்), 87 ஒருநாள் (2019), 109 'டி-20' (1020) போட்டிகளில் விளையாடி உள்ளார். நேற்று இவர், தனது 18வது ரன்னை எட்டிய போது ஒருநாள் அரங்கில் 2000 ரன் என்ற மைல்கல்லை அடைந்தார்.