சமந்தாவின் ஹீரோவுக்காக பிறந்தநாள் போஸ்டர் வெளியிட்ட சாகுந்தலம் படக்குழு

தெலுங்கில் மகேஷ்பாபுவை வைத்து ஒக்கடு, அர்ஜுன், சைனிக்கூடு என வரிசையாக வெற்றி படங்களை கொடுத்தவர் இயக்குனர் குணசேகர். அனுஷ்கா, ராணா, அல்லு அர்ஜுன் நடித்த ருத்ரமாதேவி என்கிற வரலாற்று படத்தை இயக்கிய குணசேகர், தற்போது சமந்தா கதாநாயகியாக நடிக்கும் சாகுந்தலம் என்கிற வரலாற்று படத்தை இயக்கி வருகிறார். இந்த படத்தில் கதாநாயகனாக மலையாள நடிகர் தேவ்மோகன் என்பவர் நடித்து வருகிறார். இவர் கடந்த இரண்டு வருடங்களுக்கு முன்பு மலையாளத்தில் வெளியான சூஃபியும் சுஜாதையும் என்கிற படத்தில் கதாநாயகனாக அறிமுகமானவர்.

சாகுந்தலம் படத்தில் சமந்தாவுக்கு ஜோடியாக பிரித்திவிராஜ் என்கிற கதாபாத்திரத்தில் நடித்துள்ளார் தேவ்மோகன். நேற்று இவரது பிறந்தநாளை முன்னிட்டு சாகுந்தலம் படக்குழுவினர் இவர் கம்பீரமாக குதிரையில் அமர்ந்தபடி இருக்கும் போஸ்டர் ஒன்றை பிறந்தநாள் பரிசாக வெளியிட்டுள்ளனர். தற்போது படத்தின் போஸ்ட் புரொடக்ஷன் பணிகள் நடைபெற்று வரும் நிலையில் சமந்தா நடித்துவரும் யசோதா படத்தின் வெளியீட்டிற்கு பிறகு இந்த படம் வெளியாகும் என சொல்லப்படுகிறது