காதலர் தினத்தில் வெளியாகும் சீதா பயணம் படத்திற்கு யு சான்றிதழ்

ஜெய்ஹிந்த், தாயின் மணிக்கொடி, ஏழுமலை, வேதம் என பல படங்களை இயக்கி, நடித்துள்ளார் அர்ஜுன். அதன்பிறகு தனது மகள் ஐஸ்வர்யாவை வைத்து சொல்லிவிடவா என்ற படத்தை சில ஆண்டுகளுக்கு முன்பு இயக்கிய அர்ஜுன், தற்போது சீதா பயணம் என்ற படத்தையும் தனது மகள் ஐஸ்வர்யாவை வைத்து இயக்கி உள்ளார். இப்படத்தில் அவருக்கு ஜோடியாக நிரஞ்சன் நடித்திருக்கிறார்.

தமிழ், தெலுங்கு, கன்னடம் என மூன்று மொழிகளில் காதலர் தினத்தை ஒட்டி பிப்ரவரி 14-ம் தேதி இப்படம் திரைக்கு வருகிறது. அர்ஜூம் முக்கிய வேடத்தில் நடித்துள்ள இந்த படத்தின் டிரைலர் சமீபத்தில் வெளியான நிலையில், தற்போது இப்படத்துக்கு சென்சார் போர்டு யு சான்றிதழ் அளித்திருப்பதாக இப்படத்தை தயாரித்திருக்கும் ஸ்ரீ ராம் இன்டர்நேஷனல் நிறுவனம் எக்ஸ் பக்கத்தில் ஒரு போஸ்டர் மூலம் அறிவித்துள்ளது.