அதன் பின், தேசிய ஜனநாயக கூட்டணி தலைவர்களின் ஆலோசனை கூட்டம், பிரதமர் இல்லத்தில் நடந்தது. ஒருமணி நேரம் நடைபெற்ற இக்கூட்டத்தில், நடுநாயகமாக மோடி அமர்ந்திருக்க, அவரது இடப்புறம் தெலுங்குதேசம் கட்சி தலைவர் சந்திரபாபு நாயுடு, அடுத்ததாக, ஐக்கிய ஜனதா தள கட்சித் தலைவரும், பீஹார் முதல்வருமான நிதீஷ்குமார், அதற்கு அடுத்ததாக மஹாராஷ்டிரா முதல்வரும், சிவசேனா தலைவருமான ஏக்நாத் ஷிண்டே ஆகியோர் அமர்ந்திருந்தனர்.

புதிய அரசை அமைப்பது குறித்தும், ஜனாதிபதியை நேரில் சந்தித்து ஆட்சியைமைக்க உரிமை கோருவது குறித்தும், பதவியேற்பு விழா தேதி குறித்தும், பார்லிமென்ட் கூடும் தேதி குறித்தும் தலைவர்கள் கருத்து பரிமாறிக் கொண்டனர்.