மேலவையில் வாக்குவாதம்

கர்நாடகா சட்ட மேலவையில் எதிர்க்கட்சித் தலைவர் கோட்டா சீனிவாஸ் பூஜாரி பேசுகையில், ''ஹொஸ்பேட்டில் ராம பக்தர்கள் பயணம் செய்த, ரயில் பெட்டியை தீவைத்து எரிப்போமென, மர்ம நபர்கள் மிரட்டி உள்ளனர். இதுகுறித்து அரசிடம் இருந்து எந்த விளக்கமும் வரவில்லை. மிரட்டல் விடுத்தவர்களை ராம பக்தர்கள் பிடித்துக் கொடுத்தும், அவர்களை கைது செய்யாமல் அனுப்பி உள்ளனர். கோத்ரா ரயில் எரிப்பு சம்பவம் போல, கர்நாடகாவிலும் நடக்குமென, காங்கிரஸ் எம்.எல்.சி., ஹரிபிரசாத் கூறியிருந்தார்,'' என்றார். இதற்கு உள்துறை அமைச்சர் பரமேஸ்வர் விளக்கம் கொடுக்க முயன்றார். ஆனால் பா.ஜ., உறுப்பினர்கள் ஏற்கவில்லை. இதனால் ஆளுங்கட்சி, எதிர்க்கட்சி உறுப்பினர் இடையில், கடும் வாக்குவாதம் ஏற்பட்டது. இதையடுத்து சட்டமேலவை தலைவர் பசவராஜ் ஹொரட்டி தலையிட்டு, சமாதானம் செய்தார். இதுபற்றி பேச பூஜ்ய நேரத்தில் அனுமதி தருவதாக கூறினார்.