ஆசிரியர்களிடம் விசாரணை!

நீட் தேர்வு மோசடி தொடர்பாக, மஹாராஷ்டிரா போலீசாரும் விசாரித்து வருகின்றனர். இந்த தேர்வில் வினாத்தாள் கசியவிட்ட மோசடியில் ஈடுபட்டிருக்கலாம் என்ற சந்தேகத்தில் ஆசிரியர்கள் இருவரிடம் போலீசார் விசாரித்து வருகின்றனர். சஞ்சய் துக்காராம் ஜாதவ் மற்றும் ஜலீல் உமர்கான் பதான் ஆகியோர், தனியார் பயிற்சி மையங்களையும் நடத்தி வந்துள்ளனர்.இவர்களிடம், போலீசார் நேற்று முன்தினம் பல மணி நேரம் விசாரணை நடத்தினர். அதைத் தொடர்ந்து அவர்கள் விடுவிக்கப்பட்டனர். அழைக்கும்போது விசாரணைக்கு ஆஜராக வேண்டும் என்று அவர்களுக்கு போலீசார் அறிவுறுத்தியுள்ளனர்.