இந்தியாவின் வளர்ச்சி கணிப்புபன்னாட்டு நிதியம் உயர்த்தியது

நாட்டின் பொருளாதார வளர்ச்சி வரும் 2025ம் நிதியாண்டில் ஏழு சதவீதமாக இருக்கக்கூடும் என்று மத்திய நிதியமைச்சகம் சமீபத்தில் தெரிவித்திருந்த நிலையில், தற்போது பன்னாட்டு நிதியம் 2025 மற்றும் 2026ம் நிதியாண்டுகளில், இந்தியாவின் பொருளாதார வளர்ச்சி 6.50 சதவீதமாக இருக்கும் என்று கணித்துள்ளது. இது, கடந்த அக்டோபர் மாதம் வெளியிடப்பட்டிருந்த கணிப்பை விட 0.20 சதவீத புள்ளிகள் அதிகமாகும். மேலும், கடந்த நிதியாண்டில், நாட்டின் பொருளாதாரம் 7.20 சதவீதம் வளர்ச்சியடைந்த நிலையில், நடப்பு நிதியாண்டில் வளர்ச்சி 6.70 சதவீதமாக இருக்கக்கூடும் என்றும் நிதியம் கணித்துள்ளது.