பேரிஞ்சம்பாக்கம் சாலையில்

சாய்ந்த நிலையில் மின்கம்பம்

வண்டலுார் -- வாலாஜாபாத் சாலையில், செரப்பனஞ்சேரி அடுத்த, காரணித்தாங்கலில் இருந்து, பேரிஞ்சம்பாக்கம் செல்லும் பிரதான சாலை பிரிந்து செல்கிறது. இச்சாலை வழியே நாள்தோறும், ஏராளமானோர் சென்று வருகின்றனர்.

இந்த நிலையில், இந்த சாலையை ஒட்டி, மின்கம்பங்களின் வழியே, மின் வழித்தடம் செல்கிறது. இவற்றில் சில மின்கம்பங்கள் சாய்ந்த நிலையில் உள்ளன.

இதனால், விபத்து ஏற்படும் அபாயம் உள்ளது. நடந்து மற்றும் இருசக்கர வாகனத்தில் செல்வோர் விபத்து அச்சத்தில் சென்று வருகின்றனர்.

எனவே, சம்பந்தப்பட்ட மின்வாரிய அதிகாரிகள், ஆபத்தான நிலையில் உள்ள மின்கம்பத்தை மாற்றி அமைக்க நடவடிக்கை எடுக்க வேண்டும்.

-ச. வேணுகோபால்,

பேரிஞ்சம்பாக்கம்.