'மெர்சிடிஸ் பென்ஸ்' நிறுவனம், அதன் 'சி.எல்.ஏ.,' காரை மின்சார மற்றும் ஹைபிரிட் வகையில் காட்சிப்படுத்தி உள்ளது. இந்த காரின் முன் மாதிரி கார், ஜனவரியில் நடந்த வாகன கண்காட்சியில் காட்சிப்படுத்தப்பட்டது.

மின்சார வகை கார், 800 வி 'ஹை வோல்டேஜ்' கட்டுமான தளத்தில் கட்டமைக்கப்பட்டுள்ளது. ஒரே சார்ஜில், 792 கி.மீ., வரை பயணம் செய்ய முடியும். இதில், 85 கி.வாட்.ஹார்., 'என்.எம்.சி.,' பேட்டரி பயன்படுத்தப்படுகிறது. குறைந்த ஆற்றலில், அதிக துாரம் வரை பயணிக்கும் திறன் இந்த பேட்டரிக்கு உண்டு. இதை, 320 கி.வாட்., பாஸ்ட் சார்ஜர் வாயிலாக 10 நிமிடம் சார்ஜ் செய்தால், 300 கி.மீ., ரேஞ்சை வழங்க முடியும்.

முதற்கட்டமாக, மின்சார வகை கார், ஐரோப்பாவில் அறிமுகப்படுத்தப்படும். அதை தொடர்ந்து, ஹைபிரிட் கார் அறிமுகமாகும். மின்சார கார், இந்த ஆண்டு இறுதிக்குள் இந்தியாவில் வெளியாக உள்ளது. ஹைபிரிட் கார் இங்கு வெளியாகுமா என்பது குறித்து எந்த தகவலும் இல்லை.