மதுரை : மது பாட்டில் விலை உயர்வு நேற்று திடீரென உயர்த்தப்பட்டது.

இதுகுறித்து டாஸ்மாக் அனைத்து நிலை பணியாளர்கள் நலச் சங்க மாநில தலைவர் சரணவன் கூறுகையில், ''விலை உயர்வு குறித்து அறிவிப்பு இல்லை. மதியம் 3 மணிக்கு தான் தெரியும். பழைய விலைக்கு விற்கப்பட்ட பாட்டில்களுக்கும் புதிய விலையை செலுத்த வேண்டும் என, டாஸ்மாக் நிர்வாகம் உத்தரவிட்டுள்ளது. இதனால், ஊழியர்கள் தங்களது சொந்த பணத்தை இழக்க வேண்டியுள்ளது. கூடுதல் விலை உயர்வை அரசே ஏற்க வேண்டும்,'' என்றார்.டாஸ்மாக் தென்மண்டல மேலாளர் ராகவன் கூறும்போது, ''புதிய விலை உயர்வு இன்டர்நெட்டில் வெளியிடப்பட்டது. ஆகையால், புதிய விலை நேற்று காலை முதல் அமலாகியுள்ளது. இதற்கு, நிர்வாகம் பொறுப்பல்ல,'' என்றார்.