பரங்கிப்பேட்டை : சிதம்பரம் அருகே, கப்பல் கட்டும் தொழிற்சாலை கட்ட, மீனவ கிராமத்தினர் எதிர்ப்பு தெரிவித்து ஐந்து நாட்கள் கடலுக்கு மீன் பிடிக்கச் செல்லாமல், மறியல் போராட்டத்தில் ஈடுபட்டுள்ளனர்.

இந்நிலையில், கப்பல் கட்டும் தொழிற்சாலைக்கு எதிர்ப்பு தெரிவித்து வேளங்கிராயன்பேட்டை கிராமத்தில், நேற்று கிராம தலைவர் ஏழுமலை தலைமையில் கூட்டம் நடந்தது. கூட்டத்தில் 200க்கும் மேற்பட்டவர்கள் கலந்து கொண்டனர். கூட்டத்தில், கப்பல் கட்டும் தொழிற்சாலை அமைக்க எதிர்ப்பு தெரிவித்து நேற்று முதல் வரும் 15ம் தேதி வரை, ஐந்து நாட்கள் மீனவர்கள் எவரும் கடலுக்கு மீன் பிடிக்க செல்லாமல் மறியல் செய்வது. கிராம மக்களுக்குத் தெரியாமல் நடத்தப்படும் கருத்துக் கேட்பு கூட்டத்தில் எவரும் பங்கேற்க கூடாது என, தீர்மானம் நிறைவேற்றப்பட்டது.