புதுச்சேரி:பா.ம.க., மாநில நிர்வாகிகள் கூட்டம் ஓட்டல் அண்ணாமலையில் நடந்தது.மாநில செயலாளர் அனந்தராமன் தலைமை தாங்கினார்.

மாநில ஆலோசகர் ராமகிருஷ்ணன், மாவட்டத் தலைவர் சுப்ரமணியன், மாவட்ட செயலாளர் மதியழகன் ஆகியோர் முன்னிலை வகித்தனர். மாநில நிர்வாகிகள், மாநில துணை செயலாளர்கள் ஜெயபாலன், செல்வராசு, வேணுகோபால், வடிவேல், ரவி, பெருமாள், ஞானசேகரன், மாநில இளைஞர் அணித் தலைவர் தங்க அறிவழகன், செயலாளர் சுரேஷ், நகர செயலாளர் ரமேஷ் உள்ளிட்ட பலர் கலந்து கொண்டனர்.கூட்டத்தில், உள்ளாட்சித் தேர்தலில் போட்டியிட விருப்பமுள்ளவர்கள் இன்று (15ம் தேதி) முதல் 30ம் தேதி வரை மாநில செயலாளர் அலுவலகத்தில் விண்ணப்பிக்க வேண்டும். சமச்சீர் கல்விக்குரிய புத்தகங்கள் வழங்க வேண்டும். தனி மாநில அந்தஸ்து குறித்து சிறப்புத் தீர்மானத்தை நிறைவேற்ற வேண்டும். மாநிலக் கடன் 4,266 கோடி கடனைத் தள்ளுபடி செய்ய முதல்வர் முயற்சி மேற்கொள்ள வேண்டும். புதிய மாநில வளர்ச்சி நிதி ஆதாரத்தைப் பெருக்க நடவடிக்கை எடுக்க வேண்டும் உள்ளிட்ட தீர்மானங்கள் நிறைவேற்றப்பட்டன.