இத்தேர்விற்கு சைதை துரைச்சாமியின் மனித நேயம் ஐ.ஏ.எஸ்., கட்டணமில்லா கல்வியகம் சார்பில் இலவசமாக பயிற்சி அளிக்கப்பட்டது.இந்த, எழுத்து தேர்வில் வெற்றி பெற்ற மாணவர்களுக்கு தமிழ்நாடு அரசு பணியாளர் தேர்வாணையத்தால் நேர்முகத் தேர்வு நடத்தப்பட்டது. இதற்கான நேர்காணல் பயிற்சி மனித நேய அறக்கட்டளை சார்பில், மாணவர்களுக்கு இலவசமாக அளிக்கப்பட்டது.அதன் பலனாக, டி.என்.பி.எஸ்.சி., தேர்வில் ஊரக வளர்ச்சித்துறை பணிக்கு 65 பேர், நெடுஞ்சாலைத்துறை பணிக்கு 27 பேர், பொதுப்பணித்துறைக்கு உட்பட்ட நீர் ஆதாரத்துறை பணிக்கு 24 பேரும் மின்னியல் பணிக்கு 4 பேர், கட்டட பணிக்கு 3 பேர் மற்றும் இதர பணிகளுக்கு 11 பேரை சேர்த்து மொத்தம் 134 மாணவ-மாணவியர் தேர்ந்தெடுக்கப்பட்டுள்ளனர். இதில் 89 மாணவர்களும் 45 மாணவியரும் அடங்குவர்.