நாமக்கல்: நாமக்கல் நகராட்சி அ.தி.மு.க., சேர்மன் வேட்பாளர், தனது ஆதரவாளர்களுடன் சென்று வேட்புமனு தாக்கல் செய்தார்.

அப்போது, எம்.எல்.ஏ., பாஸ்கர், முன்னாள் எம்.பி.,க்கள் அன்பழகன், சரோஜா, வக்கீல் அணிச் செயலாளர் பாலுசாமி, வக்கீல் சண்முகம், பொதுக்குழு உறுப்பினர் காளியப்பன், மாவட்ட, நகர, ஒன்றிய நிர்வாகிகள், உறுப்பினர்கள் உட்பட ஏராளமானோர் பங்கேற்றனர். முன்னதாக, நாமக்கல்-மோகனூர் சாலையில், நகர அ.தி.மு.க., தேர்தல் பணிமனை திறப்பு விழா நடந்தது. எம்.எல்.ஏ., பாஸ்கர் தலைமை வகித்து, தேர்தல் பணிமனையை திறந்து வைத்தார். நிகழ்ச்சியில், மாவட்ட துணைச் செயலாளர் நல்லதம்பி, தொகுதி இணைச் செயலாளர் தென்னரசு, சிறுபான்மையினர் பிரிவு இணைச் செயலாளர் லியாகத்அலி, மாவட்ட, நகர, ஒன்றிய மற்றும் சார்பு அணி நிர்வாகிகள், உறுப்பினர்கள் உட்பட ஏராளமானோர் கலந்துகொண்டனர்.