தினமும் காலை 9.30 முதல் பிற்பகல் 12 மணி வரை 6, 8 மற்றும் 10ம் வகுப்பு மாணவர்களுக்கும், பிற்பகல் 12.30 மணி வரை பிளஸ் 2 மாணவர்களுக்கும் தேர்வுகள் நடக்கும். பிற்பகல் 1.30 முதல் மாலை 4 மணி வரை 7, 9ம் வகுப்பிற்கும், மாலை 4.30 மணி வரை பிளஸ் 1 மாணவர்களுக்கும் தேர்வுகள் நடைபெறும். தமிழ், ஆங்கிலம் முதல், இரண்டாம் தாள் , கணிதம், கம்ப்யூட்டர் சயின்ஸ், அறிவியல், சமூக அறிவியல், இயற்பியல், வேதியியல், பொருளியல், கணக்கு பதிவியல் உள்ளிட்ட பாடங்களுக்கான தேர்வுகள் நடைபெறும். அக்.,1 வரை தேர்வுகள் நடைபெறும். அக்.,2 முதல் 6 வரை காலாண்டு தேர்வு விடுமுறை விடப்படும். மீண்டும், அக்.,7ம் தேதி முதல் பள்ளிகள் செயல்படும். மேலும், அக்டோபர் மாதம் முழுவதும் ஒவ்வொரு சனிக்கிழமையும் பள்ளிகள் செயல்படும் என தலைமை ஆசிரியர்களுக்கான கூட்டத்தில் முதன்மை கல்வி அலுவலர் தெரிவித்தார்.