திருவாரூர்: திருவாரூர் அருகே வீடு புகுந்து தாய், மகனை தாக்கி கொள்ளையடித்த வழக்கில் சேலத்தை சேர்ந்த ஏழு பேருக்கு 10 ஆண்டு கடுங்காவல் தண்டனை திருவாரூர் சப்கோர்ட்டில் வழங்கப்பட்டது.

இவர்கள் வழிப்பறிக்கு பயன்படுத்திய வெள்ளை நிற டாடா சுமோ ஜீப் ஒன்றும், கொள்ளையடித்த பணம் மற்றும் நகைகளையும் கைப்பற்றி இதுதொடர்பாக திருவாரூர் சப்கோர்ட்டில் வழக்கு தொடர்ந்தனர். இவ்வழக்கின் இறுதிக்கட்ட விசாரணை நேற்று மாலை நடந்தது. இதில், குற்றம் சுமத்தப்பட்ட ஏழு பேருக்கும் தலா 10 ஆண்டு கடுங்காவல் சிறை தண்டனையும், 5,000 ரூபாய் அபராதம் விதித்து நீதிபதி கணேசன் உத்தரவிட்டார். அபராதத் தொகை கட்டத்தவறினால் மேலும், ஆறு மாத சிறைத்தண்டனையும் விதித்து உத்தரவிட்டார். அரசு தரப்பில் வக்கீல் சரவண செல்வன் வாதாடினார். குற்றவாளிகள் ஏழு பேர்களையும் திருவாரூர் தாலுகா இன்ஸ்பெக்டர் குருசாமி மற்றும் போலீஸார் திருச்சி மத்திய சிறையில் கொண்டுச் சென்று அடைத்தனர். இவ்வழக்கில் முதல் குற்றவாளியான ஓய்வு பெற்ற போலீஸ் ஏட்டு ராஜேந்திரனின் மற்றொரு மகன் பன்னீர்செல்வம் என்பவர் தலைமறைவாக இருந்து வருகிறார் என்பது குறிப்பிடத்தக்கது.