புரோக்கர்கள் மூலம் ரூ.6500க்கு வாங்கலாம். இதை அறியாமல் ரூ.16 ஆயிரத்திற்கு வாங்கி பொதுமக்கள் ஏமாற வேண்டாம்,'' என லாரி உரிமையாளர்கள் எச்சரித்துள்ளனர்.ஆறு மாதங்களுக்கு முன், தேர்தல் காரணமாக ராமநாதபுரம் மாவட்டம் பரமக்குடி எமனேஸ்வரம், அபிராமம் பகுதி குவாரிகள் மூடப்பட்டதால், மணலுக்கு கடும் கிராக்கி ஏற்பட்டது. இதனால் தஞ்சை, திருச்சியில் இருந்து மதுரைக்கு மணல் கொண்டு வரப்பட்டு, ஒரு லோடு(10 டன்) ரூ.16 ஆயிரத்திற்கு விற்கப்பட்டது. இரு மாதங்களுக்கு முன், எமனேஸ்வரம், அபிராமம் குவாரிகள் திறக்கப்பட்டன. இங்கு மணல் அள்ள லாரிகள் நீண்ட வரிசையில் காத்திருந்ததால், மணல் எடுத்து வர இரண்டு நாட்களாகின. இதை கணக்கிட்டு, ஒரு லோடு ரூ.10 ஆயிரத்திற்கும், திருச்சி, தஞ்சை குவாரிகளில் இருந்து எடுத்துவரப்பட்ட மணலுக்கு ரூ.15 ஆயிரமும் கட்டணம் வசூலிக்கப்பட்டது.