நேற்று அமாவாசை என்பதால் ஏராளமானோர் தங்களது ஆதரவாளர்களுடன் வந்து மனுத்தாக்கல் செய்தனர். இதனால் அரூர் ரவுண்டானவிலிருந்து சார்பு நீதிமன்றம் வளாகம் வரை மக்கள் கூட்டம் இருந்தது. ஆயிரக்கணக்கானோர் திரண்டதால் திருவிழா கூட்டம் போல் மக்கள் கூட்டம் இருந்தது. உள்ளாட்சி தேர்தலில் போட்டியிடும் வேட்பாளர்கள் தங்களுடன் அழைத்து வந்த ஆதரவாளர்களுக்கு பிரியாணி மற்றும் மதுவிருந்து அளித்தனர். அ.தி.மு.க.,வில் ஒன்றிய கவுன்சிலர் பதவிக்கு வேட்பாளர் அறிவிக்கப்படாததால் யாரும் மனுத்தாக்கம் செய்யவில்லை. அரூர் யூனியன் அலுவலகத்தில் தேர்தல் பற்றிய விபரங்களை தேர்தல் நடத்தும் அலுவலர்கள் சரியாக தெரியப்படுத்தாதல் வேட்பு மனு தாக்கல் செய்ய வந்த சுயேச்சைகள் மிகுந்த சிரமத்துக்கு உள்ளாகின்றனர்.