புதுடில்லி : பாலிவுட் திரைப்படங்களில் வரும், புகைப்பிடித்தல், புகையிலை போடுதல் போன்ற காட்சிகளால், இளைஞர்கள், அந்தப் பழக்கங்களுக்கு அடிமைப்பட்டு விடுவதாக ஆய்வு ஒன்று தெரிவித்துள்ளது.

மொத்தம் 59 படங்களில் இருந்து, 162 காட்சிகள் தேர்வு செய்யப்பட்டு மாணவர்களுக்குக் காண்பிக்கப்பட்டன. இந்த ஆய்வில், புகையிலைப் பொருட்கள் பயன்பாட்டுக் காட்சிகள் வரும்போது அவற்றால், மாணவர்கள் பெருமளவில் பாதிப்புக்குள்ளாகின்றனர் என்பது தெரியவந்தது. அவர்களிலும் மாணவியரை விட மாணவர்கள் தான் அதிகளவில் புகையிலைப் பொருட்கள் பக்கம் ஈர்க்கப்படுகின்றனர் என்பதும் தெரியவந்தது.

மொத்த மாணவர் தொகையில், 7.3 சதவீதம் பேர் புகையிலைப் பழக்கத்தின் மீதான தங்கள் விருப்பத்தைத் தெரிவித்துள்ளனர். இந்தியாவில் பாலிவுட் திரைப்படங்களில், காட்சிகள் மற்றும் புகையிலைப் பயன்பாடு இரண்டுக்கும் இடையிலான தொடர்பு குறித்து நடத்தப்பட்ட, முதல் ஆய்வு இது என்பது குறிப்பிடத்தக்கது.