தேர்தல் விரோதத்தில் பாண்டியராஜனை கொலை செய்ததாக எஸ்ஸார் கோபி, அவரது சகோதரர்கள் மருது, ஈஸ்வரன், அவனியாபுரம் நகராட்சி கவுன்சிலர் மணிகண்டன் உட்பட 13 பேர் மீது போலீசார் வழக்கு பதிவு செய்தனர். எஸ்ஸார் கோபி கைது செய்யப்பட்டார்.

எஸ்ஸார் கோபியை ஏழு நாட்கள் போலீஸ் காவலில் விட அனுமதி கோரி ஆறாவது மாஜிஸ்திரேட் கோர்ட்டில் மனு தாக்கல் செய்யப்பட்டது. மாஜிஸ்திரேட் டி.சுஜாதா, ''எதிர்மனுதாரரை போலீசார் துன்புறுத்தக்கூடாது. விசாரணையின்போது மூன்று மணிக்கு ஒரு முறை தலா 10 நிமிடங்கள், எதிர்மனுதாரரை, அவரது வக்கீல்கள் இருவர் சந்தித்து பேச அனுமதிக்க வேண்டும். இன்று ஒரு நாள் அனுமதித்து, போலீஸ் காவல் முடிந்து இன்று மாலை 4 மணிக்கு கோர்ட்டில் ஆஜர்படுத்த வேண்டும்,'' என, உத்தரவிட்டார். இதையடுத்து எஸ்ஸார் கோபியை போலீசார் விசாரணைக்காக அழைத்து சென்றனர்.