ஐதராபாத்: மூன்றாவது சாம்பியன்ஸ் லீக் 'டுவென்டி-20' கிரிக்கெட் தொடருக்கான தகுதிச் சுற்றுப் போட்டிகள் ஐதராபாத்தில் நடந்தது.

சவாலான இலக்கை விரட்டிய கோல்கட்டா அணி குறைந்தபட்சம் 153 ரன்கள் எடுத்தால், பிரதான சுற்றுக்கு தகுதி பெறலாம் என்ற நிலையில் களமிறங்கியது. பிஸ்லா(8) கேப்டன் காலிஸ்(1) விரைவில் வெளியேற, துவக்கத்தில் திணறியது. கோஸ்வாமி(14), மனோஜ் திவாரி(27) நீண்ட நேரம் தாக்குப்பிடிக்கவில்லை. யூசுப் பதான்(12), சாகிப் அல் ஹசன்(13) ஏமாற்ற, சிக்கல் ஏற்பட்டது. அடுத்து வந்த டசாட்டே(46) பொறுப்பாக விளையாடி, அணியின் பிரதான சுற்று கனவை நனவாக்கினர். கோல்கட்டா அணி 20 ஓவரில் 8 விக்கெட்டுக்கு 155 ரன்கள் எடுத்து தோல்வி அடைந்தது. ஆனாலும் 'ரன் ரேட்' அடிப்படையில் பிரதான சுற்றுக்கு முன்னேறியது. இம்முறை டிரினிடாட் அண்டு டுபாகோ, சாமர்சட், கோல்கட்டா நைட் ரைடர்ஸ் ஆகிய 3 அணிகள் பிரதான சுற்றுக்கு முன்னேறின.