ஸ்ரீநகர் : காஷ்மீரில் நடந்த முழு அடைப்பு போராட்டத்தின் காரணமாக, அங்கு மக்களின் இயல்பு வாழ்க்கை கடுமையாக பாதிக்கப்பட்டது.

இளைஞரின் மர்ம மரணத்திற்கு கண்டனம் தெரிவித்து, காஷ்மீரில் நேற்று முழு அடைப்பு போராட்டத்திற்கு ஹூரியத் மாநாட்டு கட்சித் தலைவர் சயித் அலி ஷா கிலானி அழைப்பு விடுத்திருந்தார். இதையடுத்து, காஷ்மீரில் நேற்று முழு அடைப்பு போராட்டம் நடந்தது.

பள்ளிகள், கடைகள், வணிக வளாகங்கள், அரசு மற்றும் தனியார் அலுவலகங்கள், வங்கிகள் உள்ளிட்டவை அடைக்கப்பட்டிருந்தன. அரசு மற்றும் தனியார் போக்குவரத்து முழுமையாக முடங்கியது. இதன் காரணமாக, காஷ்மீரில் மக்களின் இயல்பு வாழ்க்கை கடுமையாக பாதிக்கப்பட்டது.